سپیشل کوکیز

بسکٹ یا کوکیز بچوں اور بڑوں کی یکساں پسند ہیں. اور مختلف اوقات اور مہمانوں کی تواضع کے لیے پیش کیے جاتے ہیں. اور اگر یہ بسکٹ گھر کے بنے ہوں تو کیا ہی بات ہے.

              : بے سک ڈو کے اجزاء 

میدہ.                              2 کپ
بیکنگ پاوڈر.                  1/2چاے کا چمچ
نمک.                              1/4چاےکا چمچ
مکھن.                           1/2کپ
کاسٹر شوگر.                 1 کپ
ونیلا ایسنس.                1 چاے کا چمچ
انڈا.                              1
مونگ پھلی.                   2 کھانے کے چمچ
اخروٹ.                         2 کھانے کے چمچ
براؤن شوگر.                  2 کھانے کے چمچ
ادراک پاوڈر.                   1 کھانے کا چمچ

                                 :    ترکیب 

میدہ، مکھن ،کاسٹر شوگر ،انڈا، بیکنگ پاوڈر، نمک اور ونیلا ایسنس کو مکس کر کے ڈو کی شکل دے لیں. پھر اسے ایک گھنٹہ کے لئے فریج میں رکھ دیں.

اب ڈو کو تین حصوں میں تقسیم کر لیں

ایک حصہ کو بیل لیں اور مختلف کوکی کٹر کے ذریعے کاٹ لیں.

ڈو کے دوسرے حصے میں ادرک کا پاوڈر ملا کر بیل لیں اور اس کو Square شکل میں کاٹ لیں.

ڈو کے تیسرے حصے کو بیل لیں. اور Square شکل میں کاٹ لیں. آپ کسی اور شکل میں بھی کاٹ سکتے ہیں. مونگ پھلی اور اخروٹ کو خشک بھون کر موٹا موٹا کاٹ لیں. کوکیز پر انڈا

برش کر لیں اوپر مونگ پھلی، اخروٹ اورایک چمچ براون شوگر مکس کر کے ڈال دیں.

اوون کو 180 ڈگری سینٹی گریڈ پر پری ہیٹ کر لیں.

کوکیز کی ٹرے میں بٹر پیپر/براون پیپر بچھا لیں. اور کوکیز

تھوڑے تھوڑے فاصلے پر رکھ کر 15 منٹ تک بیک کریں.

                                       :ٹپس

کوکیز کے ڈو کو زیادہ مسل کر نہ گوندھیں.
کوکیز کو ٹرے میں رکھنے کے بعد اگر کچھ دیر فریج میں رکھیں. تو وہ بیک کرتے وقت پھیلتے نہیں.